Мәңге яшь шәһәр

15.01.2012
Иркәли җанны Идел һавасы,
Ишетәм синдә әнкәм авазын.
Мәхәббәтем син,
Бәхетем каласы −
Мең яшьлек Казан,
Мең яшәр Казан.
Роберт Әхмәтҗанов.

Туган ягым − Татарстан. Киң кырларга, шаулы урманнарга, елгаларга, көмештәй ялтырап торган күлләргә бай минем туган ягым. Бәлки шуңа күрәдер, телебез дә каен ботагыдай сыгылмалы, көйләребез кебек назлы безнең.

Чиксез яшел киңлекләр, урман, кыр, күлләр илендә, инде мең елдан артык үзенең серле исеме, шөһрәтле тарихы булган Казан шәһәре Идел елгасына Казансу килеп кушылган җирдә урнашкан.

Казан − Татарстанның башкаласы. Ул татарларны бер үзәккә туплап торучы башкала − безнең рухи мәркәзебез. Ул − минем туган шәһәрем дә. Казанның, тарихчылар һәм археологлар ачыклый алган гомере генә дә 1000 елдан артып китә. Ә аңа кадәр ул күпме еллар дәвамында яшәгән, бер Ходай белә.

Казан шәһәренең салынуы турында бик күп халык авыз иҗаты ядкярләре һәм әдәби әсәрләр бар. "Хан кызы Алтынчәч", "Кабан күле", "Алпамша" әкиятләре, "Туйбикә казаны" легендалары − әнә шундыйлардан.

"Шәһри Болгарда халык бай яшәгән. Ләкин Аксак Тимер Шәһри Болгарны җимергән.

...Бер кабиләнең анасы Туйбикә карчык унбишләп кешене иярткән дә җил көймәсе белән Идел буйлап китеп барган. Ул алты потлы казанын да үзеннән калдырмаган, казанның чылбыры да алты пот икән. Шактый баргач, юлчылар яр буена төшкәннәр. Бу урын аларга ошаган. Шунда туктап, яшәп калганнар. Безгә аш-су, бәхет теләп торсын диеп, казанны күмеп куйганнар.

Шушы урында Казан шәһәрен сала башлаганнар, ди. Чылбырлы Казан әле хәзер дә шәһәр астында ята, ди, тик аны табучы гына юк, ди. Казан исеме әнә шулай килеп чыккан, имеш". ("Туйбикә казаны".)

Чынлап та, безнең халкыбыз бик кунакчыл бит, димәк, ул сыйфат безгә борынгы бабаларыбыздан күчкән. Өйгә кунак алып кайту, аңа хөрмәт күрсәтү − бүген дә халкыбызның иң күркәм сыйфатларының берсе.

Казан − тарихи шәһәр. Аның иң биек урынына Кремль диварлары урнашкан. Ә диварлар артында кызыл кирпечтән салынган Сөембикә манарасы һәм ап-ак Спас манарасы; Казаныбызга нур чәчеп торучы Кол Шәриф мәчете бар. Казан Кремле − Бөтендөнья тарихи мирас һәйкәле дип игълан ителде.

Казаныбызга мең яшь булуга карамастан, ул яшәрә генә бара. Чөнки аны көннән-көн матурлыйлар, яңарталар. Башкалабызның иске урамнары, йортлары төзекләңдерелә. Шулай ук яңа урамнар һәм микрорайоннар да калкып чыга, метро төзелә. Казан һаман да иҗат дәрте белән рухланып яши, киләчәккә ачык йөз белән карый.

Казан − безнең республикабызның йөрәге ул, белем үзәге. Монда бик күп атаклы язучылар, галимнәр, рәссамнар, композиторлар яшәгән, укыган, иҗат иткән... Шәһәребездә бик күп уку йортлары, музейлар, театрлар, парклар бар. Казанда төрле халык вәкилләре үзара дус яшиләр һәм эшлиләр.

Казаным − ул дуслык шәһәре! Казаным − ул тарихи шәһәр. Казаным − ул гел яңарып торучы, картаймый торган мәңге яшь шәһәр!
Бу язма 179 кешегә булышты. Ә сиңа ? булышты | булышмады
Язманы 11291 кеше укыды

фикерләр (19)
Аноним
29.11.2012 13:9:20

Мин 5 класста укыйм. Казан турында сочинениегә материал эзләдем. Таптым. Бу сочинение миңа бик ярдәм итте Рәхмәт сезгә.

Аноним
13.12.2012 10:25:17

хэллэр?

Аноним
16.12.2012 12:37:5

Сочинения түгел, сочинение берлек санда, сочинениеләр күплек санда. Хаталарны төзәтергә кирәк.

Аноним
19.12.2012 12:7:59

бик әйбәт сочинение, миңа бик ошады!!!!!!!!!!!!!

Аноним
24.12.2012 14:28:12

сезгэ бик зур рэхмэт

Аноним
25.12.2012 9:5:9

сезгэ бик зур рэхм эт мине саклап калдыгыз

Аноним
30.12.2012 1:44:54

яхшы

Аноним
17.01.2013 9:28:20

Чишмәләр , елгалар турында инша эзләдем тапмадым . БУЛЫШЫГЫЗ пожалуйста

Аноним
23.01.2013 12:27:1

Супер сочинение =)

Аноним
29.04.2013 11:28:59

Сочинение ярыйсы, тик мина тулырак кирэк=)

Аноним
29.04.2013 12:2:52

мина бик ошады,бик зур рэхмэт сез мина биктэ булыштыгыз))

Аноним
24.10.2013 12:11:44

Сочинениягез ярыйсы:) Ханбикэгэ ошады:)Тагын да шулай дэвам итегез:)Мина кирэк булганда хэрвакыт сочинениягез булсын!)Царь доволен!:)

Аноним
19.11.2013 20:35:16

мин 5 класста укыйм.казан турында соченение эзлэдем таптым,рэхмэт бик зур.

Аноним
02.02.2014 19:38:33

рэхмэт

Аноним
09.02.2014 20:49:24

кайберлэре юк:"дус хайваным"

Аноним
10.04.2014 18:16:4

ал

Аноним
05.02.2015 15:46:31

бик матур эчтэлекле инша, рэхмэт сезгэ!

Аноним
05.02.2015 18:48:21

мин сине яратам ландыш :)

Аноним
24.11.2015 18:4:25

бик матур